шақыру белгілері

(Позывные)

бірлестіктердің, құрамалардың, бөлімдердің (кемелердің, ұшақтардың), бөлімшелердің байланыс тораптары мен байланыс станцияларына, сондай-ақ командирлерге және де басқа лауазым-дық тұлғаларға, оларды техникалық байланыс құралдарымен шақыру барысында шын аттарын қарсыластан жасыру мақсатында берілетін шартты сөзден немесе әріптерден, сандардан құралған тіркестер. Әрбір байланыс торабы, станция, лауазымдық тұлға байланысты ұйымдастырушы штаб ұйғарымымен белгілі бір уақытта қолданымға кіргізілетін өз Ш.б-н алады. Әскери-теңіз флотында, сондай-ақ кемелерге және кеме бірлестіктеріне радиотехни-калық, жарықпен белгі беру құралдарымен, сонымен бірге тану үшін жалаулармен берілетін шақыру белгілері беріледі. Кемелер кеме ықтырмасына кіре берісте, кеме ықтырмасынан шыққанда, жүзіп келе жатқанда бір-бірімен кездескенде өздерінің Ш.б-ін көрсетеді. Ш.б-інің белгілену тәртібі, жиынтығы мен ауысымы нұсқаулармен анықталады. Ш.б-ді өз еркімен белгілеуге тыйым салынады.